„Jetzt ist wieder die Zeit der Apfelernte und des Mostens“, schreibt Renate Schietinger aus Nürtingen.
Stuttgart - „Jetzt ist wieder die zeit der Apfelernte und des Mostens“, schreibt Leserin Renate Schietinger aus Nürtingen. Dazu hat sie einige Kindheitserinnerungen aufgeschrieben:
„Onser Nachbar Paul, alt, wortkarg, oigawillig, hot emmer da beschte Moscht han wella. I Han au mol ama Gläsle nippa dürfa ond mi hod’s gschitlad – sooo räs. Räs wia dr Paule. Seim Bsuach ho er s’Krüagle Moscht nogschtellt ond hot brommt: ,Do, drenk! Wenn de mein Moscht mogsch, mogsch mi!‘“
Bevor mr gmoschdat hot, hot mr d’Fässer butza miaßa. Do dafür hot mr kleinere, denne Buaba braucht – mein Bruader war so oiner. Se hent durch des kleine Loch em Fass bass miaßa. En dr Onderhos isch der Kerle ens Fass gschlupft und hot’s enna mit ra Wurzelbürscht gschrubbt. Wenner Glück ghet hot mit ogwärmda Wasser. Sonscht mit kaltem Wasser ausem Schlauch. No hot’r sich warmschrubba kenna. Für’s Fass hot’s a Fuffzgerle geba. do isch ganz schee was zsammakomma. Dia Buaba send von Nachber zu Nachbar. Se hent saumäßig gschtonga aber mit Kern- oder Lux-Soif hot mr’s jo wieder rawäscha kenna.
Ond no isch’s ans Moschda ganga. Jeder hot sei oigas Rezept ghet. Dr Oihne hot bloß bschtemde Äpfel presst. Dr Andre hot’s mir Birna oder Weintrauba verfeinert. Wenn no, so em Januar, dr Mosch vergohra und goldgelb war, isch’s reihum ans Verkoschda ganga. Drzua hot’s Zwiebel-, Kraut und Rahmkuacha geba. Mir kender hent dia leere Moschtkrüagla em Keller dronda wieder auffülla dürfa, ond hent do dronda onser oigene Verkoschtung gmacht. En dr Stub send mir am Tisch gsessa ond hent d’Ohra gschpitzt ond glosnad, was dia Alde für Sprüch klopfet. I het jo nia enkt, dass i fuffzig Johr später a paar von denen Sprüch’ an a Zeitung schick’ ond einige davo au no druckt werdat. So ko’s ganga!“ Der schwäbische Spruch des Tages kommt von Leserin Elke Dietrich aus Stuttgart: „Meine verstorbene Mutter (Jahrgang 1926) sagte manchmal, wenn jemand Betagtes gestorben war: ,Do isch d’Hebamm au nemme schuld.‘“
Schreiben Sie uns: Zentralredaktion, Postfach 10 44 52, 70039 Stuttgart, Stichwort: Schwäbisch, Fax: 07 11 / 72 05 - 73 09; E-Mail: land@stn.zgs.de