[5.00/1]
Leserin Gertrud Ellwanger aus Schorndorf ist 91. Sie hat uns einen mit Zeichnungen wunderbar verzierten Brief geschrieben. Doch nicht nur die Optik verdient Aufmerksamkeit, sondern auch der Inhalt:
Wenn de 80 bisch ond drieber...
Ach Leit, es isch a Lomberei, mir lauft oft Galla iber,
hosch gar koin Wert me uff dr Welt, wenn 80ga bisch ond driber.
Dass du au amol jong gwä bisch, lässt z'lescht koi Mensch meh gelda.
Du zählst zom alta Eise jetzt ond hosch fei nex mehr z'melda.
Lang leba will a jeder Mensch, doch alt will koiner werda.
Ach, 's Alter brengt oim mit dr Zeit so ällerhand Beschwerda.
Mr sieht et guat, mr hört net guat, 's Gedächtnis will oim schwenda.
's Zahnwerk isch meischt aus Porzella, bis uff oin Stomba henda.
Dr Maga macht oim viel Verdruss, der isch z'faul zom Verdaua.
Uff d'Leber isch au koi Verlass, ond 's Wasser duat sich schtaua.
Des sollscht net essa, s'trenka lau, isch dees a Vegediara,
wenn du et pfondweis Pilla schluckscht, kasch nemme exischtiara.
Em Wenter duat dr Reißmadeis an älle Knocha zwicka,
bisch et guat zudeckt en dr Nacht, no huschtescht zom Versticka.
Au mit de Füaß hosch die Malär, 's isch gar koi Vorwärtskomma.
Wia hosch doch früher d'Stiaga nuff vier Tritt uf oimol gnomma.
pressierscht amol, no fliagscht en d'Dreck mit Deine steife Knocha.
Kascht froh sei, wenn en bloß verstaucht ond et da Fuaß hosch brocha.
Dr Wadakrampf macht oin schalu, d'Krampfoder sticht ond flochzet.
's Schmalz isch vertrocknet en de Glenk, drom send Scharnier verroschtet.
Wie hot de früher 's Schaffa gfreit, jetzt muaß mr di aschugga.
Derweil kriagscht no da Hexaschuss ond kasch de nemme bucka.
Wenn no deim Doktr ebbas klagscht, der wird de bloß alacha:
"Ja, das sind Alterserscheinungen, da kann man nichts mehr macha."
Isch onser Schöheit au verblasst ond ällerhand verschossa,
em Herza send mir ewig jong ond lachet grad zum Bossa!
Der schwäbische Spruch des Tages kommt von Helga und Arthur Mayer aus Auenwald-Oberbrüden. Bei deren Hausbau in den 70er Jahren sagte der Flaschner Franz Nowotny: "Lieber ellalang g'handelt als fengerlang g'schafft!"
Favoriten
nach oben